Guovssu guovssahasat ebok

Sámi Siidda bearrasii gullet áhcci ja eadni ja mánát Joret, Risten ja unnavieljas Guovssu. Mánát báhcet nohkkat goahtái, go eatniguovttos áhciin vuoddjába fitnat ealu luhtte. Mánát leat gildojuvvon mannat olggos ja luoitit goahtái geange gean eai dovdda. Eai ge eisige ozzon mannat olggos stoahkat eaige hárddildit guovssahasa, go dat sáhtii mánáid váldit. Go ledje bivdaleamen nahkáriid, de gullájedje amas mánáid stoahkamin olgun. Amas mánát dáhtuhedje sin boahtit olggos stoahkat. sii bálko muohtacagiid goadi njeaiga ja hárddildedje goadi mánáid dassázii go Joret suhtai, gárvodasttii ja viehkalii olggos, Risten manis. Sii cierastaddet, bálkot muohtacagiid ja stohket. Joret ja Risten eaba astan oaidnit go unnavielljas, Guovssu, maid boahtá olggos goadis, ivdneliidni vel birra ceabeha. Son fuomása cuovgga ja hárdigoahtá dan. Guovssahas libaidisgoahtá ja njamista unnavielljaza áibmui. Náste lea fuomásan mii lea geavvan ja ciellagoahtá. Joret viggá fatnjut ja njuike vai fáhtezii unnavielljaza. Náste ruohtasta ealo lusa eatni ja áhci viezzat veahkkin. Áhcci njorostallagoahtá soahpaniin unna vielljaza. Guovssahas libaidisgoahtá eambbo ja eambbo. Viimmat darvehii áhcci unnavielljaza Guovssu, muhto manin áhcci ii nagot doahpat unna vielljaza vulos iezas lusa?