Side Brok (Norske albumklassikere) ebok

NOREG VAR PÅ ingen måte førebudd då Side Brok rulla ned glaset og drive-by-spytta sjelegranskande naturskildringar, syretrippar sett frå sykkelsetet, treffande personkarakteristikkar av fiktive figurar, og sosialantropologiske skildringar/hyllestar av den sunnmørske rånaren. Høge Brelle var eit lokalt situert musikkverk med eit globalt musikkuttrykk som fekk nasjonalt nedslag, og står igjen no, nesten tjue år seinare, som eit heilt sentralt verk i den norske hiphop-kanonen. Denne boka tek for seg Høge Brelle som kunstverk – bade musikalsk og tekstleg – fortalt frå ståstaden til ein som var der. Og med der så meinar vi slutten av tenåra og byrjinga av tjueåra på Søre sunnmøre – gjerne på Side Brok-konsert på Rust i Ørsta. Kjell Andreas Oddekalv (f. 1985) er musikkvitar, musikkforskar, musikar og musikkentusiast. Han har ein PhD om rap-flows, og er utøvande hiphoppar i Oslo-kollektivet Sinsenfist.