Løynde land lydbok

Om Tarjei Vesaas vart det eingong sagt at han trong ikkje Nobelprisen, men kanskje Nobelprisen trong Tarjei Vesaas. Då han døydde i 1970, let han etter seg ein ruvande forfatterskap som stadig synest å reise dei sentrale spørsmåla i livet. Med ei usvikeleg tru på mennesket trassa han i diktinga angst og destruksjonskrefter. Olav Vesaas' biografi om far sin er ei eineståande innføring til diktaren og mennesket Tarjei Vesaas, slik berre ein som har stått han så nær kan fortelje om det. Forskarar har i dei siste tiåra skrive mange enkeltstudiar om Vesaas' bøker, men det har mangla ei samla framstilling om personen og verket. Olav Vesaas' biografi avskaffar dette saknet.